搞清合約換自由 羅天宇弟尾班車入港男

《2016香港先生選舉》14位入圍者昨日正式會晤新聞界，不過入圍人數比上星期公布的多了一個，就是原本以為落選的羅天宇同母異父弟弟胡㻗「突然」回歸，原來之前他與舞台劇仍有合約，致未能入圍，如今事情已解決。

羅天宇同母異父的弟弟胡㻗在前晚無綫直播節目《萬千星輝放暑假》突然出現，與13位準香港先生同台，問到他何以突然「翻生」？他說：「大概五日前收到TVB電話，因為我同品牌嘅舞台劇合約有問題，所以無法畀我入圍，之後解除咗合約就可以參加。」哥哥得知他入圍可有給予鼓勵？胡㻗說：「佢叫我唔好咁緊張，因為我同佢一樣都係好怕醜。（田蕊妮喺節目上話你成個人震晒？）當時真係有少少緊張。（怕唔怕畀人話靠哥哥關係入圍？）唔擔心，最緊要做好自己，都唔怕大家將我同哥哥比較，我哋感情好好。」

至於王浩信親弟王瑋彤（Tony），早前被胞兄踢爆因腎石入院，昨日見他仍有點疲態，Tony接受訪問時表示仍未退燒。「呢幾日都要綵排，同腎石無關，可能呢幾日太緊張，搞到個人好易累。」不過他沒有諗過退選，認為能夠入圍是好機會。

Flow決意闖娛圈

任職消防員的梁裕恆（Flow）雖然沒有藝人兄長背景，不過他在芸芸參賽者當中也算是風頭躉，為了參選更正式辭去消防員工作。「簽名嗰陣都有啲猶豫，始終自己都做咗五年零兩個月消防員，同事都叫我考慮清楚，但係自己都諗住一心一意喺娛樂圈發展。」

問他是否志在必得，他又說就算選到都未必是星光大道，參選並非要做明星，反而希望藉知名度，去做義工有更大幫助。

撰文：Pauline

編輯：林梓添

設計：梁政敏