再婚無請飲即傳不和 何嘉莉Yumiko咀嘴闢謠

何嘉莉去年底與機師男友Gerald結婚，再披嫁衣的她繼續做幸福少奶奶，不過她卻沒有邀請當年同是英皇小花的鄭希怡（Yumiko）出席婚禮，外間遂傳出兩人不和之說，昨日她們應邀出席銅鑼灣SOGO的護膚品牌活動，她們更即場扮接吻魚擊破謠言。

昨日，向何嘉莉及Yumiko二人求證不和傳言，兩人聞言後先互望對方再愕然，Yumiko即時扮作黑面謂：「我已經扮咗Nice好耐。」何嘉莉則表示：「唔使解釋，我哋傾咗，好難（同你哋）講。」Yumiko乘勢叫嘉莉帶個仔與她個女「梁浸浸」相睇，又強調嬲嘉莉是假，真的無事發生。記者要求二人攬攬泯恩仇時，何嘉莉笑言：「我哋冇恩仇，何來泯呢？」之後兩人更主動咀嘴兩次示好，被取笑她們「SheShe」時，Yumiko即笑言：「咁即係我哋兩個結婚同生仔係假啦，所以我唔去佢嘅婚禮，你明點解啦，我喺英皇年代已經暗戀佢。」

問到Yumiko何不帶女兒梁浸浸出席活動？她坦言女兒十分好動，一個人帶她出街一定湊不來。「出來之前化粧時，佢玩我啲化粧品，用支唇膏周圍搽，不過唔係搽嘴，係搽手搽面。我媽咪話佢比我細個活躍三、四倍。」Yumiko苦笑謂女兒並非患過度活躍症，只是出街有老公幫手湊會較好。

囝囝外遊發高燒

另外，何嘉莉的囝囝已四歲，暑假前已帶他去新加坡旅行，但剛抵達目的地不久，囝囝便發高燒達40度，已即時送他到當地醫院診治，結果要一星期才開始退燒，可幸並沒有患上嚴重流感。

採訪：Pauline

攝影：林良明

編輯：林梓添

設計：梁政敏