【聲明】港生活網站並無進行電話推廣活動

領展街市自動售賣機 有得買保鮮袋

發佈時間: 2016/07/15

飲品、零食嘅自動售賣機好常見,但有得賣餐桌布同垃圾袋嘅自動售賣機你又見過未?聽領展姊妹講,為咗方便顧客,佢哋最近由美國引進兩部售賣餐桌布、保鮮袋同垃圾袋嘅自動售賣機,枱布尺寸大細任君選擇,$9.9起就選擇,真係好方便。

依家樂富市集同何文田街市都會有呢部售賣機,據生產商講,今次全港首次有零售物業設置同類售賣機,唔少街坊都話新奇,不時停低研究,有主婦街坊話:「驟眼睇以為多咗部零食售賣機,原來係賣保鮮袋同餐桌布,好得意!」亦有街坊話:「以後買完餸想買餐桌布同保鮮袋,唔駛周圍搵,好方便。」

撰文: 黛安 消息特靈八卦公關
欄名: 八卦名利場