下周赴京鋪路賺人仔 子珊恨拍真人騷

徐子珊早前簽約邵氏與王祖藍合作的經理人公司，稍後便正式赴北京為打入內地市場鋪路，眼見老闆王祖藍參加真人騷賺到豬籠入水，子珊亦想分一杯羹。

子珊昨日與張慧儀及錢國偉到香港遊艇會出席保護海鳥音樂劇小說《崗瓦納之約》捐賺儀式，子珊坦言今次現身支持，全因撑作家好友能實踐自己夢想。已簽約王祖藍公司的她，下星期便會到北京拍攝宣傳照及訪問，稍後亦主力在內地發展，她說：「其實邊到都有機會發展，但內地機會會多咗，因為祖藍喺內地的聯繫會多啲，佢哋會幫我開拓呢個市場。」

早前有傳祖藍穩袋四百萬人民幣（約500萬港元）拍攝內地真人騷《奔跑吧兄弟》，問子珊可有興趣參加真人騷？她表示：「冇乜所謂，未玩過咪玩吓，有粉絲話好辛苦，叫我唔好去，但我諗公司會幫我揀，知我唔係非常捱得。」

慧儀湊仔當減肥

至於同場穿連身裙的張慧儀，身材十分惹火，但她強調沒有刻意減肥，她說：「秘訣係朝早六點起身湊仔煮早餐再送返學，之後再接仔放學返屋企煮飯，慢慢就會瘦。」慧儀下月會到內地拍劇，適逢囝囝放暑假，所以會帶他同行，她說：「呢個係最好身教，能夠耳濡目染。」

撰文：倪小珊

編輯：林梓添

設計：Stephen