暑假又到喇！假日一家大細出發往西貢，是最佳節目之一。在這個「香港的後花園」盡興玩樂之餘，當然要歎盡區內美食─港式去骨海南雞、新鮮出爐焗葡撻……臨走前，再買瓶原居民DIY的手工果醬，旅程相當圓滿呢！
1. $55香煎手剁鹹魚蓉肉餅 金雞去骨海南雞飯
位於福民路簡陋小巷的金雞，開業已六年，老闆Kelvin笑言自己是嫁入西貢。「太太係西貢原居民，搬到呢區後我都愛上這地方，加上自己熱愛煮食，喺太太鼓勵下就開咗呢間舖。」
問到為甚麼會選擇主打「海南雞」呢？Kelvin說：「講起海南雞，好多人只會諗到新加坡，但我就想做出港式海南雞，開店鑽研了三年，不斷改進，現時醬料等都係自己調味，做出屬於港人嘅口味。」
金雞早前在北角和深水埗再開新店，Kelvin為保持四間分店的水準，將西貢總店作為「少林寺」，訓練一班師傅，當他們達到水準，才分派到分店。回想創業時，Kelvin坦言受過不少白眼，例如有食客認為店內的海南雞味道一般。但本着對出品的要求，以及親兄弟幫忙，漸漸在西貢自成一家，深受客人歡迎，更有不少區外客專誠來光顧，Kelvin慶幸當初沒有放棄，才有今天的成就。
金雞去骨海南雞飯
西貢福民路（食街）34號地舖
3488 9844
2. $12葡撻 西貢咖啡餅店
「西貢咖啡餅店」屹立區內十多年，老闆棠哥熱愛運動，所以偏愛西貢區，加上從事包點師傅多年，想做生意因而決定在這區開店。棠哥表示開業多年，餅店經歷過不少波折，最難忘是初開店時因僭建問題，收到政府告票，更影響到客人呢！「當時有外國人嚟到幫襯，畀人投訴，要趕佢哋走，客人發晒脾氣，更同警察嗌交，我都好難做。」經過三年多的折騰後，店舖完成改建工程，生意才慢慢重上軌道。
採訪當日坐在露天茶座位置，聽到客人跟身邊的朋友說：「嚟到西貢，無理由唔嚟食番個葡撻同菠蘿包呀？」十多年來棠哥堅持親力親為，製造不同的包點，控制好各款包點的溫度與品質，令客人嘗到最新鮮熱辣的西貢名物。
西貢咖啡餅店
西貢海傍廣場2號金寶閣6-7號舖地下
2792 3861
3. $38熱情果梳打 一起果醬
「一起果醬」開業近兩年半，由西貢原居民家庭主理。Cherry的哥哥阿謙負責構思手工果醬，爸爸在火炭工場親手製造果醬，再帶回小店。妹妹Cherry是另一煮理人，她說︰「起初生意難做，呢條街無咩發展，無咩人認識我哋，試過一日只係做到35元生意。」之後不斷改進，以新鮮果醬沖製不同飲品，其中最受歡迎的「熱情果梳打」，甜味由熱情果而來，不用多加糖水，健康又清新，亦漸漸打響了名堂。
眼見台灣等地方，手工果醬成為潮流，Cherry也希望終有一日，他們炮製的果醬可成為標誌性的手信，由西貢走向世界。
一起果醬
西貢市場街9號地下
2791 9888
撰文：唐蔚霖
攝影：林良明
編輯：余運慶
設計：大雄
插畫：何樂、Human Ip