墨西哥城型格Salon 歎住威士忌理髮

旅行順道去「飛髮」，既可以一窺當地扮靚潮流，又可滲透當地人庶民生活，不用下下逛街市咁寡。如果你身處中美洲的墨西哥城，推介你必去開幕才兩個多月的Barberia Royal，包保你想像不到連「飛髮舖」也會如此型爆。

一眼望去，最搶眼是那如月球表面、不規則的金色鋁天花，配上旁邊的狂野水牛頭掛飾及鑲金邊純黑皮梳化，高貴得來帶濃濃古時歐洲皇室的氣派。以為自己誤闖了一家型格酒吧？噢，酒櫃上原來都放滿名牌如Beardman、Brooklyn Grooming等理髮及男士護理用品；向來天馬行空的設計團隊ROW Studio就是看準了老店子「岩岩巉巉」的建築細節，設計出這間令人驚喜的男士飛髮舖。

說回服務本身，理髮、剃鬚、facial、去眼袋、擦鞋等統統有齊，價錢由百多至250港元不等，最正係等候期間更可「滋滋油油」免費任飲Glenfiddich威士忌或咖啡，如此享受，香港幾時會有？