媽咪雞蛋仔衝出香港 推廣美食

獲米芝蓮推介的街頭小吃「媽咪雞蛋仔」月初衝出香港，在旅發局「搭路」下，去咗菲律賓參加國際旅遊展覽！聽旅發局公關姊妹講，「媽咪雞蛋仔」三天內派咗超過逾2,000底雞蛋仔，下一站仲會去日本同德國推廣本港美食。

講番「媽咪雞蛋仔」嘅威水史，《米芝蓮指南香港澳門2016》首次增設街頭小食項目，品牌尖沙咀店開業半年即獲推介！首次出國參與旅遊展，品牌創辦人Irene和Jacky，及獲米芝蓮推介的尖沙咀店店主Noelle和Kwong，一齊去菲律賓「擺檔」，即席炮製雞蛋仔畀入場人士享用。

擺檔呢三日，佢哋喺特定時段出動四部電爐即焗雞蛋仔，等當地市民一嘗香港地道小食的滋味。有市民話，上年到過香港旅行，雞蛋仔令佢有機會再嚐香港街頭小食，仲有市民食完後話後希望下年再嚟香港玩。