安仔儲舊物 叫Sammi慎入

許志安與黎明一張80年代舊照掀起熱話，對於安仔陳年樣貌被笑指似發育不全，他全不介意，還大方承認最愛儲舊物件。安仔自爆家中一個紙箱裝滿私人珍藏，就連老婆鄭秀文（Sammi）都禁止打開。

雷頌德（Mark）主持港台電視節目《好好過生活》，昨日邀請好友許志安錄影新一集。兩人都異口同聲表示，節目內不會互爆對方秘密，但他們都怕結識那些不懂念舊的朋友。安仔解釋：「做人唔好掛住向前望，有時候都要回望過去，緬懷許多開心嘅事。」

安仔帶了小學用過的筆盒上節目，內裏收藏着許多「秘密」，例如他入行十年舉行的首個個唱門票。他更自爆家中有個紙箱：「我用膠紙封咗個盒，上面寫着『慎入』，任何人都唔可以打開。（包括Sammi？）係，我都盡量唔會打開嚟睇，事關入面嘅嘢，開心同唔開心都有。」

努力減走豬腩肉

此外，安仔近日跑步時被人拍下豬腩肉照片，昨日見他又消瘦了，身旁的Mark打趣表示：「佢係海鮮嘅身形（指身形如海鮮價浮動）！」安仔承認自己肥，並謂：「稍後要做巡迴演唱會，都係時候keep fit。」

採訪：Pauline

編輯：陳禮恒

設計：威