RUNNING M&M'S挑戰場 奧海城有得玩

上星期行過奧海城，見到用韓國人氣節目RUNNING MAN做藍本嘅奧海城「RUNNING M&M'S全能挑戰場」準備好啦！淨係睇到個景就知要去玩，聽公關講，今個星期四開始到8月31日，去奧海城同中港薈任何商戶消費滿指定金額，就可以參加挑戰，限時內一氣呵成完成所有項目，就可以打開「M&M'S幸運彩球」，有機會得到驚喜獎賞。

一個人玩唔夠過癮？Olympian Plus會員可以搵埋班老友，一齊報名參加團隊挑戰賽，4人1隊，最短時間成功完成所有挑戰就可以晉身總決賽，有機會贏到香港來回上海之機票，齊齊去上海M&M'S World！今個星期日前登入奧海城facebook專頁，就可以報名。