溫哥華黎明首現身 港男王瑋彤認有「親信」支持

《2016香港先生選舉》先後進行兩輪面試，一班出綫港男昨日齊集電視城，王浩信胞弟王瑋彤及大隻消防員梁裕恆（Flow）順利入圍，但羅天宇的同母異父弟弟胡㻗已被叮出局。相反，有三人是首次露面，包括溫哥華「黎明」Kent。

13位候選港男昨午在康城站上車入將軍澳電視城，王浩信弟弟王瑋彤（Tony）日前入院做腎石手術，昨日見他精神不錯，Tony說已康復得七七八八。王浩信曾表示由細到大對弟弟都管教很嚴，對他參選只寄語不要令觀眾失望。Tony回應：「佢唔係唔支持我，佢都有不停叫我要做好啲，一定要健身，練番大隻啲。」對於屋企背景曝光，在TVB有「親信」哥哥王浩信睇住，問他會否擔心遭其他港男排斥？Tony笑謂：「大家都係friend嚟。」

另一位人氣候選港男，大隻消防員Flow Leung（梁裕恆）亦順利跟大家再見面。早前莊思敏表示有留意他，還高調指有朋友都認識Flow，更有Flow的聯絡電話。提起此事，他大笑兩聲然後說：「我惟有笑囉。（有冇接過莊思敏電話？）當然冇啦，大家都係講下笑啫，本身都唔識佢。」他重申跟莊思敏的關係僅限於朋友的朋友而已。不過，有報道稱他的專長是蒲吧識女仔，他亦一一否認，聲稱自己不飲酒。至於有Wolf這個花名，他立刻解釋：「我個英文名調番轉就係狼（Wolf）啦。」

消防員Flow唔識莊思敏

此外，來自溫哥華的簡少傑（Kent）昨日首次面試，由叔叔陪同到場，他透露在溫哥華讀大學，問到參選後是否有興趣入行？Kent表示還有半年才畢業，選完港男一定會返加拿大完成學業再作打算。

撰文：Pauline

編輯：陳禮恒

設計：威