黛安
黛安

美國海軍樂隊 玩轉迪士尼 大唱《喜歡你》

發佈時間: 2016/07/11

美國海軍樂隊 玩轉迪士尼 大唱《喜歡你》

睇《晴報》Facebook,見到上星期前美國海軍第七艦隊樂隊喺香港迪士尼樂園表演,唱咗近期網上大熱嘅Beyond經典歌曲《喜歡你》,短短周末就有三萬幾人睇過。

點解舊歌突然再熱傳?話說G.E.M.鄧紫棋最近喺音樂節目唱電音版《喜歡你》,令唔少網民都關注。如果G.E.M.嘅版本唔啱你口味,可以聽下美國海軍唱廣話版本,可能啱聽啲。其實樂隊唔係第一次嚟香港表演,上次佢哋喺樂園即席表演謝安琪主唱嘅《山林道》,片段已經熱傳過。

海軍樂隊除咗唱廣東歌,仲有唔少精采表演,例如Bruno Mars嘅Treasure等等,現場遊客掌聲、歡呼聲不斷,睇嚟佢哋今次揀呢首歌表演真係揀得幾啱!

唔問都唔知,原來香港迪士尼自2006年12月開始,推出美國有25年歷史嘅「迪士尼演藝日」計劃,歡迎來自香港、內地、澳洲、日本、菲律賓、新加坡、英國、美國等多個地區學生同團體,包括樂隊、合唱團及交響樂團等去樂園演出。因為有呢個計劃,大家先可以喺樂園成日睇到更多精采表演!想重溫佢地表演片段,可以到https://goo.gl/cMeU9D。

撰文: 黛安 消息特靈八卦公關
欄名: 八卦名利場