寫錯One「Peace」罰抄千次 連詩雅認有語言障礙

連詩雅（Shiga）2013年悼念美國男星保羅獲加，把Rest In Peace串錯成「Piece」，成為網民笑柄。估不到她近日又再「舊病復發」，將動畫One Piece卻寫成「Peace」。Shiga自嘲有語言障礙，又爆平時寫短訊都會出錯。

連詩雅自知失禮，已經「找數」罰抄1000次以示懲戒。昨晨她到中環參加《One Piece Run長跑比賽》，她解釋是一時手快寫錯字，又說：「陣間都會出Post，但會Check幾次，搵助手Check多幾次。之前我罰抄一千次，開埋Facebook Live，都有人問係咪搵人幫手？大家睇清楚，係我一個人嘅字迹，我都懷疑自己有溝通和表達能力障礙。」

寫信息給男友時都會寫錯？她坦承平時發短訊給朋友、同事都會錯，有時因為在手機寫幾個字母，系統跟着自動彈出一些字，spelling check搞到變成粗口。早前黃翠如聲稱見到別人寫粗口都好驚，Shiga即反問：「真係㗎？我拍戲有時都需要講（粗口）。」

阿葛唔啱劇烈運動

同場的葛民輝前晚擔任《林海峰是但噏廣東話》表演嘉賓，他在昨晨比賽中只負責起步鳴槍。問他為何不參賽？他搬出一堆理論解釋：「我好少做運動，之前聽過教練話，平時冇運動，唔好揀咁劇烈，否則好易骨膜炎，應該去健身室跑，如果跑馬路落腳唔好會傷到膝頭。」

撰文：Pauline

攝影：林良明

編輯：陳禮恒

設計：梁政敏