黛安
黛安

ZALORA網購時裝 取貨退貨7-Eleven搞掂

發佈時間: 2016/07/08

ZALORA網購時裝 取貨退貨7-Eleven搞掂

今日開始,上網shopping更方便!收到公關姊妹消息,ZALORA同7-Eleven又有新合作計劃,繼年初推出取貨服務,以後全港超過100間7-Eleven便利店會有埋取貨同退貨服務。網購開嘅人都會明,有時會擔心:「萬一件衫唔啱身,退貨會唔會好麻煩」呢類問題,完善嘅退貨服務,絕對會令顧客「回頭率」提升。

品牌理念一致

ZALORA香港營運總監Luca Barberis話,香港人生活忙碌,由本地便利店普遍程度就可以知道24小時服務需求。佢仲話,ZALORA除咗有精選時裝品牌,仲希望有一站式物流服務,等顧客買得更方便。

7-Eleven香港及澳門營銷及市務部董事楊樂詩(Rose)都話,兩個品牌理念好一致,都係想顧客有方便快捷購物體驗,今次推出退貨服務,加埋早前嘅取貨服務可以話係「完美合併」。Rose亦提到,未來7-Eleven會不斷擴展服務範圍,現有服務範疇例如繳費、捐款等之外,再提供更多元化全天候服務。

公關姊妹仲話,因應便利店面積限制,部分7-Eleven只有退貨或取貨服務,「但夾埋都有200幾間」,即係總共有300多間便利店提供相關服務,切合晒「梗係一間喺左近」,夠晒方便呀!

撰文: 黛安 消息特靈八卦公關
欄名: 八卦名利場