激罕性感行山 蘇麗珊：男友除衫我又除

蘇麗珊早前上載僅穿Bra Top熱褲遊離島的靚相，男友游學修更以「無上裝」出鏡。昨日她解釋當時實在太熱，又笑男友肥：「游生後悔畀我影咗，影到佢有肚腩。」

剛簽約林建岳旗下的蘇麗珊，昨日偕林德信、周汶錡等，出席老闆與唐英年、葉澍堃合資的餐廳開幕。蘇麗珊的性感相令不少粉絲驚艷，她笑說：「係咩？嗰日好熱，游生（游學修）率先除衫，好似好涼爽，我入面着運動型底衫，所以都除衫涼下。」提到被網民讚有腹肌，她搞笑說：「我縮肚縮得好勁，但又鍾意食垃圾食物，所以我哋一齊跑步減肥。」

而周汶錡剛為囝囝慶祝一歲生日，她說：「阿仔成日叫媽媽，好開心，不過有次佢對住盆花叫媽媽。」

撰文：李潔盈

攝影：林良明

編輯：陳禮恒

設計：nc