Kitty雜果兵迎夏日 牛油果雞堡駕到

夏日熱辣辣，食物同飲品加啲鮮果味，個人即刻醒神番！公關老友分享，麥當勞有新嘢——夏日鮮果盛饌，除咗漢堡、甜品到飲品，仲有一套10款Hello Kitty雜果兵團，呢陣鮮果攻勢認真不得了！先講Hello Kitty同佢班Sanrio朋友仔，個個變身鮮果baby，仲跟番佢哋嘅顏色配對，布甸狗扮菠蘿、Keroppi扮西瓜，全部都好得意，佢哋後日就同大家見面。7月7日起，食滿$18加$20換到一款雜果兵團，另外，買任何食品加$228，可換限量版「Hello Kitty雜果兵團套裝」一套，有6款雜果兵團同特別版野餐袋等等。

食物方面，麥當勞愈嚟愈重視健康同滋味，7月28日起推出「牛油果雞堡」，牛油果粒配雞塊，一定要試！等待牛油果雞堡期間，可以歎住後日強勢回歸嘅「滋味蝦堡」同「菠蘿滋味蝦堡」，諗起醒胃菠蘿片加啖啖蝦肉炸蝦餅，聽完已經好肚餓。要夠歎點可以淨係食包？聽講甜品方面都有好多選擇，好似新推出蘋果脆脆麥旋風，仲有粒粒果肉嘅菠蘿批、香橙特飲等等，感覺無論揀邊款都夠晒夏日果味！