【聲明】港生活網站並無進行電話推廣活動

馬會資助騎手 大學生世錦賽奪銅

發佈時間: 2016/07/05

公關姊妹報喜,香港賽馬會資助騎手啱啱呢個周末,首次出戰第11屆世界大學生馬術錦標賽已經有好成績,資助騎手黎嘉怡(Clarissa Lyra)勇奪銅牌之餘,馬會青少年馬術隊成員梁藹文就獲得第4名。

姊妹話,呢場喺瑞典FLYINGE舉行嘅國際賽事,有嚟自18個國家同地區、50幾位騎手一齊競逐盛裝舞步同場地障礙賽,黎嘉怡同梁藹文都係出戰場地障礙賽。

今次比賽係淘汰制,運動員要策騎大會提供的馬匹進行6輪比賽;其中場地障礙賽欄高由0.90米逐步增加難度至1.40米。最終,比賽金、銀牌分別由芬蘭及日本選手取得;黎嘉怡擊敗傳統勁旅德國、比利時運動員,勇奪銅牌。

撰文: 黛安 消息特靈八卦公關
欄名: 八卦名利場