馬會資助騎手 大學生世錦賽奪銅

公關姊妹報喜，香港賽馬會資助騎手啱啱呢個周末，首次出戰第11屆世界大學生馬術錦標賽已經有好成績，資助騎手黎嘉怡（Clarissa Lyra）勇奪銅牌之餘，馬會青少年馬術隊成員梁藹文就獲得第4名。

姊妹話，呢場喺瑞典FLYINGE舉行嘅國際賽事，有嚟自18個國家同地區、50幾位騎手一齊競逐盛裝舞步同場地障礙賽，黎嘉怡同梁藹文都係出戰場地障礙賽。

今次比賽係淘汰制，運動員要策騎大會提供的馬匹進行6輪比賽；其中場地障礙賽欄高由0.90米逐步增加難度至1.40米。最終，比賽金、銀牌分別由芬蘭及日本選手取得；黎嘉怡擊敗傳統勁旅德國、比利時運動員，勇奪銅牌。