荃新天地「開倉」 廚具運動用品低至1折

身邊姊妹成日話，買嘢要買得精明，最緊要識得把握最新優惠。收到公關老友分享，荃新天地上個月月底開始，推出兩次夏日火熱「開倉」，主打係名牌廚具同運動用品，最低1折，點會唔吸引！

7月10日前，開倉以烹調用具同配件為主，展銷場有唔少搶手貨，好似1折價錢即係$250買法國名牌Staub鑄鐵燉鍋、3折價$328購買Thermos真空控溫電動氣壓鍋等，無論入廚新手定「一家之煮」相信都搵到心頭好。

黛安仲聽講，下個星期五開始，會有為期10日「開倉」運動用品展，除咗運動品牌Adidas、Reebok、Puma、Skechers同馬拉松開倉價賣夏日運動用品外，仲會有專業戶外用品品牌如re︰ech.o, Cotima同blueplace等展出一系列專業戶外山系用品及配件，都會係超筍價發售，大家準備好未？