傳小方成功箍煲 Stephy稱莫名奇妙

鄧麗欣（Stephy）與小方雖已分手，但兩人的名字繼續拉扯在一起，最近有傳Stephy與暱稱小牛的台灣排球名將鄧衍敏約會，隨後卻有消息指方力申會儲錢於兩年內娶Stephy。

鄧麗欣和關智斌（Kenny）昨日到朗豪坊出席牛仔褲品牌活動，Stephy被追問小方求復合一事，她笑言：「無咁嘅事，昨（前）日收到傳媒來電問呢件事，好多資訊都錯，佢（小方）都無講過呢件事，我無問過佢，最近無聯絡。」會否是網友幻想他們復合？Stephy覺得似是多年前訪問曾講過，可能有人挖出來再編寫，令她感到莫名奇妙。

問Stephy是否不想再與小方的名字糾纏一起，寧願傳新戀情？她說：「又唔一定，係唔想件事沒完沒了。」至於與小方的關係，她直言希望再見亦是朋友。將來會否介意與小方合作？她說抱樂觀態度，工作還工作，不想將私人感情投放入去。

Kenny被碧咸迷倒

關智斌早前與萬人迷碧咸合照引起關注，他興奮表示：「佢係男神，好charming。佢行過時，我都定晒格，初時以為佢好大隻，真人身形原來好似Model咁。」問誰是他的女神？Kenny口快快說：「鍾意舒淇，有睇《北京遇上西雅圖》（湯唯嚟喎！）吓！係呀湯唯。我睇過（舒淇嘅）《非誠勿擾》，其實兩個都好鍾意。」至於本地男神，Kenny沒提到好友張敬軒，反而說是公認的男神周潤發。

採訪：Pauline

編輯：陳禮恒

設計：nc