樂天熊仔餅圖案有430款！

樂天熊仔餅細個一定食過，唔知大家有無好奇過，朱古力餅上面嘅熊仔圖案個個好似唔同，究竟總共有幾多款呢？

話說前日去灣仔利東街Okashi Galleria零食店，參觀品牌1樓新開嘅《樂天大本瀛》，仲見到嚟自日本嘅樂天貿易部部長山本剛史同菓子食品課課長木村浩，梗係同佢哋八卦下。唔問真係估唔到，答案係連埋唔同季節限定，原來有成430種圖案㗎，大家以後食熊仔餅要望真啲先食啦！

講番活動，山本部長話特別帶咗兩款新出品同大家見面，就係日本樂天乳酸菌朱古力同樂天乳酸菌杏仁朱古力，仲特別強調，「啲乳酸菌可以直達腸道」，食零食都食得健康啲。黛安掃貨後，發現買滿$30有得抽獎，仲好好彩第一次已經抽中樂天朱古力福袋，滿載而歸！