人鬼老友記 波比惹笑尋親情

去年《鬼同你OT》口碑好、收視佳，證明「鬼+搞笑」的輕鬆題材受觀眾歡迎。新劇《一屋老友記》找來胡楓與羅蘭這對孖寶扮演可愛鬼夫妻，協助收視福將歐陽震華（波比），修補與家人關係。

劇中歐陽震華被亡父劉江欽點做遺囑執行人，召集弟妹全家同住亡父舊居，誰知舊居中早已有「鬼住客」修哥及羅蘭姐，眾人中亦只有波比見到這對「老友記」。監製方駿釗表示以「鬼」包裝家庭親情，既溫馨又爆笑。「修哥同羅蘭姐喺劇中想幫波比重修同弟妹關係，經常運用法力，例如鬼上身做和事老，但有時法力失靈，帶出好多笑位。呢對老友記同波比好有默契，佢哋三個經常即場爆肚，Jam出唔少搞笑對白。」

胡定欣挑戰麻甩水電工

波比、滕麗名、張頴康及張彥博四兄妹本身關係欠佳，同一屋簷下自然經常吵架，除了得到「老友記」相助，街坊水電工胡定欣亦不時調停，更與波比發展一段冤家情緣。首度挑戰麻甩角色的定欣，造型爛撻撻，更要「擒高擒低」爬大廈水管。除了定欣，監製特別點名力讚滕麗名與「弟婦」呂慧儀，二人吵架鬥氣場面甚有火花。

撰文：李潔盈

編輯：林梓添

設計：梁政敏