AIA馮裕祺學手語 粉墨登場拍片

收到公關姊妹分享短片link，一click入去，「點解無聲嘅？」反覆試咗幾次，發現段片真係無聲㗎！用心睇睇，段片開始大概半分鐘，淨係望主角Gigi嘅嘴唇，已經明白講緊咩，最令人我估唔到，Gigi突然「話」：「你跟我講話時，不用大聲說，因為我根本聽不到」。

原來任職客戶服務主任嘅Gigi係聽障人士，透過短片《看得到的說話》，佢想話畀大家知，互相溝通時唔一定要有聲音。Gigi繼續「講」：「只要你看着我，也讓我看着你，我就能看到你的說話」。唔係呢段短片，我都無發現，認真去睇，就算世界無聲音，我哋我都可以明白大家。

睇到呢到以為完？呢個時候突然見到AIA MPF行政總裁馮裕祺（Stephen）出現！聽公關講至知，主意多多嘅Stephen首次粉墨登場，仲學埋用手語同Gigi溝通，都係為咗強調公司認同平等就業機會，建設共融城市嘅理念。

講開平等就業，CareER致力推動同協助高學歷殘疾學生或畢業生就業，透過活動鼓勵企業了解殘疾人士才能，給予平等就業機會。Stephen提到，AIA MPF十分認同理念，於是透過CareER請到Gigi，仲大讚「Gigi可以切身處地了解聽障客戶需求」。