【聲明】港生活網站並無進行電話推廣活動

花旗香港首推語音認證 「聲紋都係獨一無二」

發佈時間: 2016/06/22

面對樣貌99%相似嘅孖生姊妹,有咩方法可以準確無誤分得出兩個人呢?朋友之間認錯無傷大雅,但去到銀行服務可以就好重要,噚日見到花旗集團管理層同財經事務及庫務局局長陳家強,佢哋示範咗最新科技--語音認證,仲係全香港第一間銀行推出𠻹!

陳家強率先讀出一段中文,等系統認住佢把聲,知道系統可以辨別多種語言,佢仲轉埋英文試𠻹,試完仲話「新科技好新穎、好方便」。

真係好方便!每個人都試過打電話去銀行理財服務熱綫,除咗用密碼,客戶服務員仲可以同你核對連串問題確認身份,諗落都覺得煩。6月28日即係下星期二開始,花旗用戶都可以打上熱綫登記語音認證,唔使特別讀對白,因為你同客戶服務專員溝通時會有錄音,分析好錄音同製作獨特聲紋,就會安全將聲紋儲存入系統。

有人就擔心,如果因為唔舒服而變聲呢,公關姊妹話「無有怕」,因為「個人聲紋同指紋一樣,都係獨一無二,就算聽落好似,實際上都有分別㗎」。

撰文: 黛安 消息特靈八卦公關
欄名: 八卦名利場