MOKO新世紀 手機App遙距拎飛

今時今日，出街可以無帶銀包，手機唔可以無，除咗上網、覆信息，仲有好多地方都需部電話。各大商場為咗吸客都好落力，好似MOKO新世紀廣場最近推出嘅革新版MOKO手機應用程式，就加埋電影同餐飲相關新功能同優惠。

新App可以遙距拎到商場食肆輪候號碼，仲可以預早訂心水餐廳。食飯之餘想睇戲，用App入面「電影專區Movie Now」，睇到晒UA Cine Moko上映電影詳情。8月31日，用新App「用餐取票Eat Easy」功能，即日輪候餐廳座位，就會送你$10戲票折扣，一次過試晒兩個功能。