葉安娜接掌SmarTone

數碼通（SmarTone）前執董兼總裁黎大鈞舊年8月離任後，由鄒金根暫代總裁，上星期終於有新消息，就係葉安娜（Anna）正式接棒！呢位新任總裁戰績好彪炳，之前係MasterCard香港及澳門總經理，電子支付平台MasterPass就係佢嘅心血結晶。

而加入MasterCard前，Anna曾經喺新加坡擔任大華銀行企業策劃及國際策略董事總經理、亦做過麥肯錫公司大中華區合夥人，領導亞洲區支付相關業務。講講下Anna過往威水史，唔少人都覺得，睇嚟今次上任其中重任，應該會喺流動支付相關業務大展拳腳。

Anna都話，期待帶領公司發展更上一層樓，「憑藉我喺帶領唔同機構建立以客為中心文化，以及唔同渠道推動卓越客戶體驗豐富經驗，有信心SmarTone發展更好。」