湯盈盈臨急訂枱慶祝父親節

黎耀祥、湯盈盈、陳國邦等出席處境劇《愛•回家之八時入席》宣傳，適逢父親節，阿邦的太太羅敏莊帶埋囡囡一齊現身。祥仔表示兒子與同學到台灣旅行，所以今年父親節會與太太過二人世界。

盈盈透露老公錢嘉樂與老爺、奶奶由上海趕返港，可以一家人慶祝父親節，她謂：「我臨時臨急買蛋糕同訂枱食飯，同埋之前已託劇組同事幫我，畫一幅一家四口嘅卡通全家福送畀嘉樂。」

陳國邦女兒陳禛最懂得搶鏡，她在台上不停擺甫士，吸引不少人拍照。國邦笑言：「個女臨時縮沙唔肯唱歌，嚟之前佢仲同太太喺車度練歌，小朋友都要睇心情。」