上環音樂會3000人撑場 何韻詩靠自己開騷

何韻詩昨日在上環普慶坊舉行《有種的漂亮The Beauty of WE》音樂會，現場還包括社區文化活動。原定是一個國際化粧品牌與阿詩合作搞音樂會，但品牌以「安全理由」單方面宣布取消，事件成為焦點。阿詩決定在同日開騷，她稱吸引約3,000人捧場。

昨日天氣炎熱，仍吸引大批市民及粉絲捧場，更逼爆附近的長樓梯。阿詩的爸爸（菇爹）亦有到場幫手，她不忘表示：「父親節要多謝父親。」

阿詩在開騷前接受訪問：「原本唔係呢個位（開騷）嘅，不過係同一區，呢邊有啲小戶聯絡我，問我有冇興趣喺呢度搞？四方八面有好多唔同嘅單位，我覺得好感動，唔係單純我一個人嘅事，好多人都因為呢件事好上心，同埋大家都唔能夠接受嘅一個打壓，所以啲援手真係應接不暇，好想多謝所有提出過想幫忙嘅單位。」

明哥力撑好友

至於化粧品牌可有回覆？阿詩坦言：「其實一個星期前已放棄再追問，當然之前有講過本身酬勞上，佢哋係要繼續處理啦，因為係佢哋單方面去取消合作。」至於是否追究責任，阿詩則認為：「唔想去嘥嗰啲力，唔想畀佢消耗我哋嘅力。遇上呢個不了了之嘅態度時，我哋係唔應該滯留呢個位，反而用我哋嘅方法去回應番，所以今日其實都係一種回應。」

阿詩昨午約3時20分開騷，眼見大批粉絲令她心情興奮，阿詩笑言今次冇「山頂位」，怕被歌迷隨時搞喊，然後以《美空雲雀》為音樂會揭開序幕。阿詩好友黃耀明約3時45分現身，明哥出場時與阿詩擁抱，阿詩即說：「除咗你，冇人敢靠近我。」

撰文：Pauline

攝影：Lego

編輯：陳禮恒

設計：鄧俊明