【聲明】港生活網站並無進行電話推廣活動

經濟日報集團出品 港澳高檔飲食指南面世

發佈時間: 2016/06/17

香港人愛尋找美食,香港經濟日報集團調查過中產階層消費習慣,發覺平日消費使得最多係外出食飯,旅遊都係其次,之後先係shopping。追求美食之餘,點先可以搵到最新最高質素餐廳?姊妹話,米芝蓮都係一年一次,唔夠喉喎。

香港經濟日報集團明白大家有要求,集團運用旗下《香港經濟日報》近30年出版經驗,由報章同雜誌《U Magazine》組成資深飲食記者同編輯團隊,合製集團第一本港澳高級食府中文飲食指南《The MENU》,今日正式同大家見面!聽講《The MENU》嚴選香港同澳門兩地140間fine dining食府,食材、烹調、用餐環境、仲有服務都要夠高質素先入選到,對飲食有要求嘅讀者一書在手,「食」盡六大類菜式,包括西菜、法國菜、意大利菜、日本菜、中菜同亞洲菜。

姊妹仲透露,書入面仲有「2016矚目登場」專題內容,精選10間最近開業而且好受歡迎嘅高級食府做推介。有佳餚點可以無美食?原來仲有「2016美酒推介」專題,詳談時下威士忌熱潮。

撰文: 黛安 消息特靈八卦公關
欄名: 八卦名利場