【聲明】港生活網站並無進行電話推廣活動

杜莎夫人蠟像館同7仔合作 推71蚊入場優惠

發佈時間: 2016/06/17

香港杜莎夫人蠟像館第一次同7-Eleven合作推門票優惠,下星期三到7月11日,去7仔出示香港或澳門永久居民身份證或臨時居民身份證,$71買到原價$255嘅換票證一張,7月底前都可以入場。

另外,今個星期六到7月3日,喺蠟像館正門售票處買即日入場票,憑有效學生證可以享受$99入場優惠,同行好友仲有$1入場優惠�𠻹!蠟像館定期加入新名人蠟像,上個月有飾演福爾摩斯嘅英國演技派男神班尼狄甘巴貝治,7月5日有NBA「神射手」史堤芬居里,着住30號球衣嘅蠟像左手控球,充分捕足呢位連續兩年獲封NBA最有價值球員動感一刻。

撰文: 黛安 消息特靈八卦公關
欄名: 八卦名利場