Citi旅遊嘉年華 派棉花糖送親子旅遊書

依家去旅行，愈嚟愈多人鍾意自遊行，自己發掘唔同路綫夠得意，拎住旅遊書又有專家畀貼士，連《晴報》自上個月都逢一、三、五推出全新旅遊版「晴報Travel」，搜羅城中真實行程，一份《晴報》在手，去旅行梗係無難度。

除此之外，黛安收到花旗銀行公關姊妹分享，最近品牌推出「Citi旅遊嘉年華」，即係以旅遊及家庭為主題的活動，希望將歡樂帶畀鍾意旅遊嘅家庭。一家大細喺指定日子去到花旗分行，小朋友就可以化身成飛機師同空中服務員影相留念。

品牌仲好貼心，知道唔少家庭都鍾意親子遊，特別製作「親子玩樂遊」小冊子，準備咗入門級「韓國首爾童話之旅」、到進階級「台北親子體驗＋台中親親大自然」同挑戰級「日本大阪自駕遊」三條路綫，仲會教爸爸媽媽旅途中照顧小朋友嘅小貼士。