傳Kary有喜 Stephy爭住做契媽

鄧麗欣（Stephy）、劉浩龍聯同太陽娛樂集團老闆周焯華（洗米華）昨日出席會展舉行的旅遊展，介紹集團未來旅遊業務動向。鄧麗欣對於好姊妹吳雨霏盛傳懷孕一事則代為否認。

鄧麗欣（Stephy）在會上透露近日聯同樂基兒、周秀娜合拍動作片《女士復仇》，剛通宵拍完打戲的她，形容很辛苦又疲倦，不過影片只是剛開拍，暫時沒有受傷，而且跌倒和撻地鏡頭都會起用替身，她笑說：「戲中我係最打得，但現實中從未打過，日前先拍完我哋三個女人互片場面，事前講明唔可以打面，（打胸呢？）咁我最唔着數，哈哈。」

談到有傳吳雨霏（Kary）因有喜而暫停錄歌工作，Stephy急為老友澄清，並謂：「佢去咗旅行，聽講佢只係想休息，因為結婚後一直都忙，所以呢段時間想過二人世界。」倘若Kary有喜，她會否爭住做契媽？Stephy笑言隨時奉陪，也希望他們繼續努力。

有報道指舊愛方力申經常借故探訪好友張繼聰為名，實際順道探訪Stephy，Stephy強調與小方一直沒有見面，他亦沒有到來探望，甚至連短訊都沒有，問到是否如同陌路人？她有感現階段只是過渡期，大家需要時間適應。

師兄祖兒有情飲水飽

同場的師兄劉浩龍被問到昨日是女友容祖兒的36歲生日，會否一齊慶祝時表示，有感近日祖兒的化粧師好友Arris離世，是以女友希望低調渡過，盡量過得簡單一點，吃餐飯就夠，問到師兄是否有情飲水飽？他笑謂：「由得我亂噏啦，（買禮物未？）得㗎啦，過咗呢日先答你哋啦，總之大家身體健康。」

撰文：Pauline

編輯：林梓添

設計：梁政敏