【聲明】港生活網站並無進行電話推廣活動

莊偉忠派《晴報》 讀者排隊拎簽名Selfie

發佈時間: 2016/06/16

噚日莊偉忠喺《晴報》專欄講「沒有卡片的日子」,入面提到,有特色風格嘅個人品牌至值錢,仲話「今時今日,無官一身輕,名利虛銜一啲都唔重要,唔再需要卡片,因為我最重要嘅身份只有『莊偉忠』三個字。」

淨係睇佢變身星級派報員,就知呢個個人品牌好有價值、好多粉絲!《晴報》一班同事都有同佢一齊去中環,好多粉絲排住隊搵佢selfie,仲有唔少人拎住佢本新書攞簽名。其中一位粉絲原來家住黃大仙,要去天水圍返工,都專程去中環,只為見莊生一面,認真係忠實fans!

另外仲有一位女孩子同莊偉忠講,「男朋友係佢粉絲」,莊偉忠就笑住話,「你男朋友好鍾意我,你又好鍾意佢,咁你即係都好鍾意我啦!」咁鬼風趣,唔怪得讀者咁Like!

派報紙期間,莊偉忠仲遇到星展銀行財資市場部董事總經理王良享,聽莊偉忠講至知,早前佢為星展拍攝嘅廣告,其中一位有份牽綫嘅就係呢位高層!

撰文: 黛安 消息特靈八卦公關
欄名: 八卦名利場