海綿寶寶 X MOKO 突襲編輯部派菠蘿特飲

炎炎夏日，有人為你送上一杯冰凍特飲，梗係開心到爆啦！睇見《晴報》姊妹喺Facebook分享，為佢哋送上特飲仲係海綿寶寶同靚女模特兒，梗加係透心涼啦！

聽公關姊妹講，嚟緊7月MOKO新世紀會有海綿寶寶主題布置，為咗預告一下「splash summer」呢個主題，特登搵Cocktail & Mocktail合作設計飲品，仲話「用菠蘿因為海綿寶寶有間菠蘿屋，貼番主題嘛！」

姊妹仲話，噚日好多人問點解得海綿寶寶，佢班老友呢？大家唔使失望，因為嚟緊暑假去MOKO，海綿寶寶同埋佢嘅老友派大星、珊迪等會陸續登場，敬請期待咁話。

噚日Cocktail & Mocktail創辦人Tracy都跟住海綿寶寶「出巡」，原來平日都有唔少品牌同佢哋合作，因應唔同活動設計特色飲品，姊妹話，有機會要試下佢哋嘅cocktail�𠻹！