傳克勤3000萬轉簽英皇 左麟右李被迫拆夥

李克勤、容祖兒去年破天荒合作舉行演唱會，場場賣個滿堂紅，隨後兩人展開巡迴演出密密賺。近日有傳已經約滿環球的克勤，在祖兒穿針引綫下，決定轉投英皇懷抱。「校長」譚詠麟直認早在半年前已知悉，並祝福克勤有好發展。

昨日在紅磡黃埔舉行樂壇填詞人向雪懷作品演唱會記招，對於近日盛傳英皇以3000萬元斟克勤過檔，而且轉會的成數甚高。

手掌手背都係肉

跟克勤共事多年的譚詠麟聞言後笑謂：「咁少？有傳唔止呢個數，不過佢嘅動向，等我了解下。（係咪克勤嘅幕後軍師？）佢咁大個人，21歲已經係成年人，有時係要成長嘅。」

克勤由1985年出道至今，阿倫由前輩到合作「左麟右李」逾30個年頭，若克勤轉公司會否感到可惜？阿倫坦言：「一定唔捨得，都好感慨，始終手掌又肉，手背又係肉。其實知咗半年，如果畀多少少錢就走囉，我唔相信（酬金）咁細。」克勤離開，「左麟右李」豈非告終？阿倫笑言：「去餐廳（左麟右李粥麵小菜專門店）睇電視囉，哈哈！（開告別騷嗎？）唔需要，緣份要嚟就嚟。」

採訪：Pauline

編輯：陳禮恒

設計：梁政敏