《溏心3》演員大換血 林峯不介意被Out

劉家豪、梅小青監製已落實開拍新劇《溏心風暴3》，但未能原班人馬上陣，鍾嘉欣懷有身孕，陳法拉亦已離巢，而林峯更被視為「叛徒」。不過，林峯仍大方為舊公司打圓場，相信這樣才有新意。

剛於上月開完演唱會的林峯，已重新投入歌曲宣傳，昨天到新城電台力谷新歌《旁觀者悲》。他透露：「演唱會前已經出咗隻EP碟，近排開始搵歌，希望之後再出碟。」他表示七月下旬會返內地拍劇，預計拍攝三個月，之後亦有另一套劇「排緊隊」。

談到無綫開拍《溏心3》，但骨幹演員如林峯、鍾嘉欣和陳法拉都不會參與演出，網民覺得十分可惜。林峯說：「家豪哥同小青姐都有搵過我拍內地劇（《衛子夫》），不過嗰次係最後一次聯絡。至於第一、二集《溏心》我都有拍，故事同演員角色已經唔同，所以就算《溏心3》嘅故事人物完全唔同，我相信都會擦出新火花。」

體重唔過150磅

此外，有指他這段時間未開工，有更多時間陪吳千語拍拖？林峯笑言：「都要食飯㗎！不過又畀人影到啫！之前演唱會冇得食，依家已經肥番少少，有148磅。目標係150磅以下，所以都keep住做gym，唔畀機會自己（過分）長肉。」他又稱本身容易肥，幸好做運動仍可保持體形。

採訪：Pauline

編輯：陳禮恒

設計：梁政敏