【聲明】港生活網站並無進行電話推廣活動

預告《妖怪手錶2》啟播 地縛喵周六現身Mikiki

發佈時間: 2016/06/15

上個周末,旺角、銅鑼灣、九龍塘同新蒲崗有「妖怪」出沒,路過嘅人唔單止唔驚,仲爭住影相selfie!點解佢哋咁興奮,因為呢隻妖怪係超人氣動畫《妖怪手錶》主角「地縛喵」。唔講唔知,原來新一輯《妖怪手錶》今個星期日開始有得睇啦!地縛喵無懼炎炎夏日「出征」港九鬧市,就係要做下宣傳!

黛安仲記得,動畫播出後,由日本開始捲起陣陣妖怪熱浪,片尾曲《妖怪體操第一》更加威力無比,單計官方YouTube片點擊率兩年內已經突破1.2億,連日本當紅偶像SMAP、AKB48、嵐都有跳過。

公關姊妹話,迎接第二季動畫嘅主題曲「宇宙DANCE!」,地縛喵同佢嘅朋友仔特登練咗隻新舞,仲預告新歌動作易學得嚟夠可愛,洗腦程度拍得住上一首�𠻹!想率先直擊呢隻全新妖怪舞,今個星期六就唔可以錯過商場Mikiki嘅《妖怪手錶》第二季首播預告見面會。

地縛喵除咗會帶埋妖怪老友哥瑪先生、哥瑪次郎見大家之外,仲會帶多一位新朋友出場,就係新角色之一妖怪「USA蹦」,真係好令人期待!

撰文: 黛安 消息特靈八卦公關
欄名: 八卦名利場