【聲明】港生活網站並無進行電話推廣活動

郭富城變身 網上行技術專員

發佈時間: 2016/06/14

天王郭富城變網上行技術專員?原來係網上行同now one新廣告!聽公關姊妹講,新推出「now one」4K UHD全功能機頂盒,係香港電訊旗下網上行同電訊盈科媒體旗下NOW TV合作開發,有好多功能,包括4K超高清電視、IPTV(網絡協定電視)、DTT(數碼地面電視廣播)、OTT等。簡單啲講就係有齊收費、免費電視同OTT內容,咁有睇頭,宣傳梗係搵番位天王級巨星助陣啦!

今次廣告重點係光纖網絡加「now one」機頂盒,可以取代其他上網服務同機頂盒,「超流暢、超高清畫質、同最強娛樂,一機搞掂晒」咁話。聽講網上行全新同現有1000M或以上客戶,仲可以免費拎走「now one」能機頂盒。

而城城喺廣告入面繼續發揮靚仔本色,眼神電力十足,加埋招牌撥頭髮手勢,迷死人啦!呢位技術專員入屋大顯身手,親身安裝光纖網絡之外,仲上擂台同4個頭戴機頂盒嘅摔角手對陣,輕輕鬆鬆擊倒對手。聽網上行市務部姊妹講,拍廣告時城城表現專業,主動提出意見話點演最好,不愧係影帝。另外,鏡頭前城城要打低幾位大隻佬,實情係鏡頭後成班人打成一片,個個笑得好開心!

撰文: 黛安 消息特靈八卦公關
欄名: 八卦名利場