設計素菜菜式 約會林嘉欣

社企Green Monday成立以嚟，舉辦好多活動宣揚綠色生活，最近又再出動，烹飪比賽「Green Mondate」正式開鑼，等大家同計劃大使林嘉欣（Karena）有個綠色約會。點樣嘅素菜菜式吸引到Karena呢？佢就話畀啲貼士大家，「鍾意天然食材，特別係用鮮花做素材或點綴嘅菜式。」熱愛藝術嘅佢仲話，如果可以將菜式砌到好似一幅畫咁，肯定有分加！

睇番參賽要求，菜式無任何肉類或肉類製成品，至於蛋奶同蛋奶製成品就無限制，最重要有一點，就係烹調時間得30分鐘。想嬴廚具用品，7月10日前登入giy.greenmonday.org/greenmondate，做Green Monday賽馬會「綠在家中GIY」會員，填好表格再上載食譜、菜式相片得㗎啦！