【聲明】港生活網站並無進行電話推廣活動

《愛麗絲夢遊仙境2》周四上畫 主題甲油閃亮登場

發佈時間: 2016/06/13

迪士尼《愛麗絲夢遊仙境2;穿越魔境》今個星期四上畫,噚日應美甲品牌OPI公關姊妹邀請睇優先場,仲見到OPI品牌銷售及市務總監Audrey,佢話好開心同Disney合作,大家睇電影之餘,最緊要留意品牌再同電影合作,推出春夏新系列。

Audrey話,新系列靈感嚟自原着故事同電影角色,加入奇幻同冒險等元素,希望享受電影冒險故事之餘,都鍾意新系列嘅甲油。

今次電影新系列有8款新色同一款限定色,每個新色都配對一個電影角色,好似彩藍色係主角愛麗絲洋裝、華麗閃金色係白皇后的、紅色就梗係紅心皇后啦!每一款拎上手都即刻想試畫,大家想感受愛麗絲夢遊仙境嘅魅力就要幫指甲換新裝啦。

至於電影,梗係唔可以劇透啦,不過可以講嘅係,今集電影同上集一樣有驚喜,劇情緊湊,個人最喜愛角色仍然係紅心皇后,大家記得要捧場!

撰文: 黛安 消息特靈八卦公關
欄名: 八卦名利場