藝壇新力軍 畫展探討「微暴力」

有無諗過咬手指、咬唇呢啲小動作背後，係每個人激烈嘅情緒？藝壇新力軍何博欣（Vivian）最近舉辦「微暴力」主題畫展，靈感源自佢對生活同人內心情緒觀察。Vivian認為，輕微碰撞、瘀傷、到咬手指頭等，背後可能埋藏排山倒海情緒壓力，所以想「探視傷痕與情緒的糾結」。Vivian仲提到，關係同情緒扭曲表面會留低微細磨損，好似一封封寫畀自己嘅情書，想了解呢一封封情書，就要留意展覽日期至7月15日，詳情可以瀏覽www.artifygallery.com。