花旗管理層帶隊做義工 盧韋柏幼兒院送暖

唔經唔覺又一年，啱啱個周末係花旗集團第11屆「全球義工日」，同以往一樣花旗香港義工「兵分幾路」，帶埋親友去唔同地點做社區服務。花旗集團CEO高沛德就話，義工服務係回饋花旗全球服務社區重要一環，佢同團隊都深信，企業成功條件之一，係要為社會帶嚟正面成果同發展。」今年花旗香港有3,300名義工參加，佢哋分別去到6間本地社福機構，參與26項社區活動，當中涵蓋五大範疇，分別係服務長者、關懷基層家庭同兒童、傷健共融、種族融和同埋環境保育。花旗集團亞太區CEO高晉誠同香港及澳門區行長盧韋柏就去咗探訪幼兒院。盧韋柏講到，全球義工日已經係花旗集團優良傳統，世界各地員工都上下一心、團結一致，一齊貢獻社群。

如果大家想知多啲佢哋參與咗義工服務，可以留意社交平台hashtag「#CitiVolunteers」同「#StandForProgress」，一齊回顧下「全球義工日」。