接棒一田café Jackie小熊今日同大家見面！

好得意呀！自從公關姊妹話，一田觀塘café會交棒畀日本繪本《小熊學校》主角小啡熊Jackie，真係好期待！前兩日姊妹話，準備同大家見面啦，梗係第一時間去探佢哋，全間店都有Jackie嘅身影！

去到門口就見到「the bear's school caféby IZUMI CURRY」已經化身繪本世界，草原色系做主調嘅餐廳，每張凳都掛住Jackie大愛嘅藍白間蝴蝶結，配合牆上面其他繪本主角，夠晒relax！

講下《小熊學校》繪本，除咗瘋魔萬千粉絲嘅Jackie，仲有佢男朋友David小白熊同她11隻唔同性格嘅熊哥哥，睇見佢哋嘅pose就覺得好開心，小熊粉絲一定要去打卡先得！

今次café以咖喱為主，有Jackie可愛樣之外，味道認真唔錯，個人推介一定要試下招牌咖喱飯。公關姊妹話，除咗咖喱飯，仲有日式便當、甜品、特色飲品同小食，款款都有可愛小熊圖案，名副其實係「治癒系café」。