下周一《晴報》開壇 莊偉忠新專欄登場

早排睇《晴報》facebook，前一田CEO莊偉忠快閃編輯部，大家估估下佢係咪有新搞作，例如喺《晴報》爬格仔呢，轉頭就有好消息，下星期一專欄正式登場啦！講下莊偉忠背景，先後做過六種行業、14間機構，以不開會、小學雞智慧管理、理解下屬同打工仔心聲聞名，更有良心CEO之稱。敢言嘅佢，除咗出書，經常喺網上撰文，文筆一向生動，每篇文都起碼有幾千至一萬個Like。

黛安都有追睇佢嘅分享，除咗講中打工仔心聲，出名「愛妻號」嘅佢時不時分享愛妻之道，放晒閃光彈，睇佢fb睇到想戴太陽眼鏡。好多姊妹都會share畀身邊男士學下嘢！聽姊妹講，第一個星期佢會連續寫五日，由退休生活開始寫起，之後就逢星期五同大家見面，粉絲們記得要捧場！