與(口靚)模黎紀君甩拖 王宗堯暗示因第三者

ViuTV連續劇《瑪嘉烈與大衞系列：綠豆》目前正在邊拍邊播，故事講述劇中人物錯綜複雜的多角關係，王宗堯與趙學而飾演夫妻，而飾演第三者的廖碧兒則一直充當情婦身份穿梭兩人之間，現實生活中的三人對這種關係各有見解。

《瑪》劇昨日在銅鑼灣一間酒店拍攝，劇情講到廖碧兒（Bernice）和「正印」趙學而首次碰頭，令到三角戀的「主角」首度同場出現。問到王宗堯在現實中可曾試過面對三角關係？與模黎紀君剛分手的他說：「試過，好多時都有，可能係唔知道嘅情況，或者冇特別交代清楚，開始拍拖、或者終結嘅時候最易出現。不過，自己就未發生過好似劇裏面咁要去決定揀老婆或者情人，自己揀女友都有問題。（試過一腳踏幾船？）冇，好難喎，我處理得唔好，最怕衝口而出就麻煩到自己，哈哈！」

至於廖碧兒和趙學而的角色，兩人既是朋友，而碧兒和王宗堯是舊同學，學而笑謂：「劇情無交代三個人攤牌，但從表情上睇得出Bernice是老公的第二、三條船。」當問到最終贏家，她們都十分口密，並叫觀眾追看劇情。

學而爆Bernice多人追

學而自覺好幸運，雖然已婚，老公算是生生性性，感情生活方面不用愁，「假若朋友有呢種情況我會開解佢，始終第三者我未必識，即使認識對方都唔應該插手，感情事都係當事人自己解決。」Bernice笑言還未是人妻，也無拖拍，此時學而即踢爆她有好多「盤」，Bernice即認真表示現階段事業為重。

此外，談到何韻詩被化粧品牌取消音樂會，日前在社交網站力撑阿詩的王宗堯就坦言，現今做藝人更無保障，尤其某些品牌要顧及內地市場，變相令到那些藝人好慘。每次有藝人被抵制，王宗堯都會發聲，不過昨午王菀之在微博貼文支持阿詩，之後卻突然消失，被指疑似遭河蟹。王宗堯說：「所以我寧願唔要大陸市場，少咗嘢令自己唔開心，（豈不是賺少咗？）良心都要撑嘅。」

採訪：Pauline

編輯：林梓添

設計：Herbert