吳千語怨林峯飲醉多嘢講

吳千語出席護膚品牌活動，她透露品牌老闆在法國有酒莊，邀請她到當地參觀。問到酒量如何？千語笑言：「幾飲得㗎。（有冇投資酒？）佢（男友林峯）有我冇，佢都買幾多酒，飲得多過我。」千語還爆男友醉酒後會不停講話：「佢好囉唆，講好多人生道理，我飲醉都好Crazy，會出去跳舞，試過喺意大利一間酒吧，我買咗兩支香檳，有人行埋嚟我就斟畀人。」

父親節將至，她表示屆時會在上海工作，不過會預早與爸爸吃飯慶祝。那林峯的爸爸呢？她說：「自己爸爸同佢都會食，兩邊分開食囉，但就唔會買禮物，因為男人都冇乜嘢要，買衫又唔知Size。」