黛安
黛安

Maxus全球員工交流計劃 擴闊員工視野

發佈時間: 2016/06/06

Maxus全球員工交流計劃 擴闊員工視野

員工福利點先吸引?工作之餘,有得去世界各地交流,聽到都開心。好似WPP集團旗下專注數碼媒體策劃嘅邁勢(Maxus),今年就舉辦全球員工交流計劃,來自不同地區辦事處嘅同事,拜訪Maxus其他國家office,展開兩星期工作切磋同交流,開拓視野。

聽姊妹講,首屆員工交流計劃四月開始咗,所有Maxus做滿一年嘅員工,都可以參加選拔,勝出者未來一年內,會由公司派送到海外辦事處,學習當地文化同市場特色,仲可以向海外同事享知識、經驗。

Maxus香港董事總經理魏志豪(Stanley)話,舉辦交流計劃目的,唔單止令員工開拓視野,過程仲可以培養行業新力軍探索精神、人際技巧等,「同事可以認識同了解更多元文化、建立跨地域友誼。」聽講交流員工會分享自己喺本地公司一項獨特計劃,同其他地區同事互相學習,香港交流員工媒介策劃員區淑妍(Anna)下半年會去丹麥哥本哈根分公司,Maxus香港會接待來自英國嘅Verity,Stanley強調,「公司上下都對呢個計劃充滿期待!」

撰文: 黛安 消息特靈八卦公關
欄名: 八卦名利場