酷熱下Full Gear拆彈 華仔預告新片炸紅隧

昨日早上，灣仔稅務大樓一帶有大批警察及拆彈專家駐守，原來是劉德華自資兼主演的新片《拆彈專家》正在拍攝。華仔在炎熱天氣下穿上70磅裝備拆彈，難得他都面不改容，非常專業。至於全片花費最高的紅隧搭景將會稍後出現。

劉德華投資兼自監、自演的《拆彈專家》，昨天在灣仔拍攝拆彈場面，他表示這戲多少會有危險，但相信工作人員的專業，最大難度還是要應付酷熱天氣，事關酷熱天氣下，華仔要穿上70磅的裝備。正當大家戥華仔辛苦之際，他就講笑話：「好似拍《大隻佬》咁！不過今次好好多，着一陣件衫可以除。」

華仔表示拍攝前曾上了兩堂，既有理論又有實習。據悉，全片製作費高達1億8千萬，劇組稍後會搭建紅隧景，還會有爆破場面，布景花費幾多仍是未知數，那保險金額可不少？華仔表示都是正常保險，反而搭景的保險更多，始終這段雨季時間，會比較擔心拍攝受天氣影響。

怕有緋聞全男班上陣

全片以男性為主，華仔本來笑說大家都有家室，不過他望一望身旁的吳卓羲就立刻轉口：「就係怕傳媒亂寫，所以只有男演員。」問到何以找吳卓羲拍戲？華仔笑言：「成部戲後生啲，哈哈！」吳卓羲亦賣口乖，說從華仔身上學到許多，由於首次合作，每次開工都有少許緊張。最近被影到帶女仔來香港的吳卓羲，被取笑又惹緋聞，他即輕聲表示：「朋友嚟，再搞（緋聞）我就真係冇朋友喇。」

採訪：Pauline

攝影：林良明

編輯：林梓添

設計：鄧俊明