袁潔儀蔡國威興奮有糧出

已正式簽約無綫的蔡國威（威仔）及袁潔儀，昨日聯同寶珮如等出席端午節派糉活動，威仔表示能夠參與行善，令自己增強正能量，但提到至今仍未獲發亞視的欠薪，威仔無奈表示：「其實知道有部分幕後同事已收到錢，不過我就仲未有通知，得個等字。」同樣等出糧的潔儀表示，上月底時心情特別緊張，經常手機不離手，因為擔心錯過出糧通知，可惜每次都失望而回。

提到已過檔TVB一個月，威仔及潔儀興奮表示日前終於有糧出，威仔謂：「好感動可以準時出糧，戶口有進帳，覺得自己真係做緊嘢嘅藝人。」潔儀表示最近就接了一齣微電影及短劇，希望可在TVB繼續過戲癮，問到會否接受如陳煒般的性感演出？潔儀笑說：「睇下有冇監製睇得起我，但我身材冇乜睇頭，都係唔好啦！最多錫下算啦。」

攝影：林良明