黛安
黛安

恒隆數學獎fb玩遊戲 轉數夠快 請你飲咖啡

發佈時間: 2016/06/02

恒隆數學獎fb玩遊戲 轉數夠快 請你飲咖啡

讀語文嘅人計數會差啲?唔一定囉,好似人稱Ben Sir嘅中大中國語言及文學系高級講師歐陽偉豪,原來「轉數」都好快!話說恒隆數學獎搞搞新意思,開facebook專頁,仲設計得意遊戲,考大家轉數,Ben Sir挑戰app game有七分,你地又有無膽挑戰呢?轉數夠快有獎品𠻹!今個星期日晚上11時59分之前,Like恒隆數學獎專頁,再玩遊戲(http://pzm.me/hlma_gamev)成功玩到十分滿分,有機會贏咖啡換領券。

學數學轉數夠快就得?想入腦梗係唔可以死記硬背,主辦單位為咗引發大家嘅興趣,好花心思,fb專頁「恒隆數學獎–To Infinity無限可能」上面,搵埋幾位網絡紅人,拍片、畫插畫,將好似好悶嘅數學理念化繁為簡,更活潑同生活化,睇得開心自然學得開心啦!

講番恒隆數學獎,其實係恒隆地產、中大數學科學研究所同中大數學系合辦,旨在鼓勵中學生發揮數理創意,激發佢哋對數學同科學求知熱情,每兩年一屆,頒發獎學金高達100萬元㗎!

撰文: 黛安 消息特靈八卦公關
欄名: 八卦名利場