網購店變實體店 度身訂造海鮮拼盤

做網購海鮮拼盤到會起家的「Oyster Cove」，剛剛在天后開設門市實體店，打造成迷你版法國seafood market，設蠔吧及座位，既方便客人外賣海鮮，亦提供一個casual聚腳點。

店子主打時令海鮮拼盤，無論揀一層或兩層，海鮮組合都由客人隨意自選，相當彈性。喜歡生蠔的，不妨先到蠔吧揀選心水時令生蠔，每天陳列六、七款，當中法國Belon0000，直接從法國蠔場入貨，富銅味，aftertaste最持久。其他諸如海水味濃又creamy的法國Masse蠔、帶礦物銅味的澳洲Angasi蠔，這些不常見的生蠔也能品嘗到。

海鮮產地直接入貨

貝類之中，法國螄蚶及黃金螺則較少見，前者富海水甜味，後者螺味濃。蟹迷應該會勁愛頂級阿拉斯加蟹腳，手臂般長，肉多又甜。大部分海鮮直接從產地入貨，不經中介商，價錢相宜。例如1.2磅重波士頓龍蝦只賣$298，大大隻西班牙紅蝦也不過$68。除了海鮮拼盤，還可單點海鮮刺身，龍蝦、蟹腳可選牛油煎香食用。

店主將陸續構思更多熱食海鮮餐單，暫時只有午市提供的海鮮炒蛋拼湯意粉套餐，意大利忌廉炒蛋可配自選海膽、龍蝦、蟹肉或帶子；而意粉湯底可自選龍蝦湯、西蘭花菠菜湯、芝士湯或蘑菇湯，套餐由$48-$68不等，十分親民。更難得的是，來光顧海鮮可自行攜酒，暫時不收開瓶費，最適合一大班朋友包場開party。

Oyster Cove

地址：天后水星街28號耀星華庭地下1號舖

電話：2887 0428

平均消費：午市$80、晚市$400

編輯：余敏

設計：鄧俊明